熊熊很久沒吃自助晚餐了！多數也是吃宵夜自助餐，因價錢平一半以上呢！上星期五晚，朋友仔出錢，熊熊出肚，大吃特吃。自助餐地點是銅鑼灣的怡東酒店，Cafe on the 1st。價錢大約$288/位，花旗信用卡八折。18:00開始，至21:30結束。因這裡也有宵夜自助餐啊！
食物種類很多，可惜熱盤較少選擇。甜品很多，雪糕還有哈根呢，但只有士多啤梨、咖啡、雲妮拿和曲奇味。
甜品及生果。甜品也有中式的，如豆腐花、芝麻糊、馬豆糕等。
小朋友最受的朱古力噴泉。而轉灣的長枱也是甜品。左圖黃色的是熱情果西米凍；白色杯是白蘭地啫喱。
一系列冷盤，有火腿、魚生、海鮮等。海鮮魚生也很新鮮，好吃！
繼續是冷盤，還有即開的生蠔，簡直是蠔迷聖區。可惜熊熊不吃生蠔呢！芝士也有幾種。當然有熱盤，選擇不多，有咖哩蟹、印度薄餅、蕃茄、薯仔、魚、菜等，還有即叫即煮麵區和燒味區。
這個價錢也算便宜，但熱盤太少了，而且熱盤的保暖法是以照燈方式，令客人伸手夾東西時也有少少熱燙感覺。甜品一早便放了大量出來，空調不夠，結果甜品很多也半溶，果凍更變了水！部分甜品太甜，可能迎合外國人口味呢！
熊熊今次吃得太多，結果只吃得下一杯哈根雪糕！蝕了
！價錢包括了果汁及茶啡各一杯！雖然甜品令人失望，但待應服務一流，果然是5星酒店。要在此多謝朋友仔請熊熊吃了豐富的一餐呢！
......咁多甜品和冷盤，真係唔多開心！話明係自助晚餐，熱盤：「 咖哩蟹、印度薄餅、蕃茄、薯仔、魚、菜等」 真係普通都嚇死人 。雖然話係朋友仔出仔錢，但我替你朋友仔唔抵呀！ ...... 如果有「哈根打」雪糕，我寧願多食幾杯都唔食那些果凍。話哂都一杯十幾蚊，吃兩杯的錢都已經是坐過海巴一程的價錢；食哂佢四隻味「 士多啤梨、咖啡、雲妮拿和曲奇味」 ，剛好把過海的車費補回！懶熊數口平時咁精，今次點解會計錯數呀！
回覆刪除[版主回覆05/05/2010 17:42:00]係啦，我都覺得d熱盤太少太普通，最正係個蟹，好似仲有青口，不過無食！如果鍾意食蠔既，就真係好抵！ 唉，今次失策！上次係holiday inn又係有哈根雪糕，都食左5杯呀！今次只食左1杯，好蝕呀！下次都係食左哈根打個底先，再食其他野。咁就實抵，哈哈！
wow 去邊度識到個咁好既朋友 介紹埋我識好喎
回覆刪除[版主回覆05/07/2010 14:34:00]呢個係我識左十年幾上既日文同學仔黎架~ 介紹你識無問題,不過我諗佢唔會請你食囉
熱盤真係少左d喎。
回覆刪除[版主回覆05/17/2010 15:29:00]都可以整個魚蛋麵煲既
你朋友有冇食蠔? OK麻?
回覆刪除[版主回覆05/30/2010 03:04:00]佢都唔食蠔架,你係蠔精黎架?如果係去食好底呀,你又近~